DESPEDIDA DE DALI

Hoxe foi un día especial no cole xa que, por un lado rematou o segundo trimestre, e por outro, Dali finalizou o seu período de prácticas. Para agradecerlle o seu paso pola aula, agasallámola cun libriño feito por cada un dos nenos e nenas de segundo. Tamén fixemos unha pequena festiña antes do recreo e logo Dali tróuxonos unhas chuches para cada un.

Esperemos que axiña nos veñas facer unha visitiña...

VISITA ESPECIAL Á NOSA AULA

Hoxe recibimos unha agradable visita á última hora da mañá. Os nenos e nenas de 5 anos e a súa titora, Manola, viñeron á nosa clase a traernos un agasallo para Alba, en agradecemento polo conto que lle contou antonte na súa aula. 

Aquí vedes unha fermosa foto de todos xuntos. Dá gusto ter a aula chea!!!

CONTACONTOS EN INFANTIL

Os nenos e nenas de 6º curso de Educación infantil, contaron hoxe con unha contacontos estupenda: Alba, que lles contou o conto de Carmen, unha señora que tiña debaixo da cama unha morea de animais: un can, un galo, un rato, un lobo, etc. Dani axudoulle na respresentación e na canción.
Esperamos que axiña sexan outros os compañeiros e compañeiras que se animen a contar novos contos.

ANTÓN NA TELEVISIÓN

Hoxe vimos na clase un programa de televisión moi especial, no que saían algúns dos nosos compañeiros da clase (Antón Figueroa, Santi e Ángel). O programa titúlase Cos Pés na Terra e retrasmitiuse onte pola noite na televisión de Galicia. A nai de Antón, Carmen, conta como é o día a día da familia no seu traballo arredor do campo.

No seguinte enlace, podedes ver o programa completo. De seguro que vos gusta!!

Programa Cos Pés na Terra do 23 de marzo de 2014

XA CHEGA A PRIMAVERA

Hoxe, ás 17:57 horas, terá lugar o equinocio de primavera, momento no que o inverno dará paso á primavera. 

A palabra equinocio provén do latín "aequinoctium" que significa "noite igual". Durante os equinocios de primavera e outono, a duracción do día e da noite é a mesma.

Esperemos que o bo tempo co que rematou o inverno nos acompañe na nova estación.

TRABALLAMOS AS COMPETENCIAS EN MATE

No día de hoxe traballamos de novo as competencias básicas en mate. Fixémolo na biblioteca e a través do traballo en grupos de tres e catro alumn@s.

Algunhas cuestións que resolvemos, relacionáronse coas horas, coas medidas de peso e distancia, cos euros, entre outros.

DÍA DO PAI

Os nenos e nenas de segundo levamos uns días preparando un pequeno agasallo para os papás. Esperemos que vos gusten...

TRABALLO AO AIRE LIBRE

Aproveitando o bo tempo do que disfrutamos nestes últimos días, hoxe saíamos á zona verde do centro a debuxar a árbore que máis nos gustaba. Pronto veremos os resultados...

COMEZAMOS COAS MEDIDAS DE PESO

Hoxe aprendemos novas cousas en mate: os kilogramos, gramos... Gran parte das cousas que mercamos no súper veñen en kilogramos ou en gramos, co cal é necesario que coñezamos estas medidas.

TEATRO EN INGLÉS

Hoxe asistimos a Rois á obra de teatro Robin Hood.